Gintiro patay ang duha sa tatlo ka mga suspek nga nagtiro kay Don Paulo Teves, utod ni Valencia, Negros Oriental Mayor Edgar Teves Jr. sang Pebrero 8 sang gab-i pila ka oras matapos nga ini sila ang gin-release sa detention.
Sa interview sang Bombo Radyo Bacolod kay Police Major Roger Quijano, hepe sang Valencia Municipal Police Station, nakabaton sila sang release order nagikan sa prosecutor’s office kag ipaidalom nalang ang mga ginatudlo sa regular filing ang kaso sang mga ginatudlo nga mga suspek sa pagpatay kay Don Paulo Teves ang utod sang alkalde sang Valencia nga si Mayor Edgar Teves Jr.
Suno kay Quijano, ginpadulungan sang legal nga asawa sini ang Danish national nga si Tim Morch matapos nga ini ang ginpagwa na kasunod sang release order.// Nakagwa ini kasubong man ang live-in partner sini nga si Myla Cagas.
Suno sa hepe, si Morch kag ang legal sini nga asawa ang nag-angkasanay sa motorsiklo samtang si Cagas ang nagpauli man.
Gin-aligar nga ginbantayan ang mga ini sang wala makilal-an nga suspetsado kag gintiro sa Brgy. Balugo, Valencia.
Una nga gintiro ang biktima nga si Tim Moerch, 45 anyos, isa ka Danish national kag matapos ang pila ka minutos, gintiro man ang iya nobya nga si Myla Cagas sang Dumaguete City.
Samtang, patay man ang legal wife ni Moerch nga si Karen Kate Cadiente nga sa amo nga ti-on nagaangkas sa iya sa motorsiklo sang natabo ang insidente.
Suno sa hepe nga wala pa sila karon sang identity sang mga suspek nga nagtiro patay sa mga biktima bangud nga wala sang witness.
