Pilason ang isa ka lalaki matapos nga ginluthang sang isa ka motor-riding suspect sa Bangga Cory, Purok Tumpok, Barangay Taculing, Bacolod city antes ang alas-10:00 sang gab-i.
Ang biktima ang ginkilala nga si Ranel Tomias, 30 anyos, single, construction worker kag residente sa nasambit nga lugar.
Suno kay alyas Toto, witness sa insidente, ginpinsar pa sini nga naglupok nga goma sang salakyan lamang ang nabatian nga una nga lupok sang armas-luthang apang ini ang nasundan pa sang ginabanta pito ka lupok.
Suno diri, pagwa na sa Purok Tumpok ang biktima gikan sa pagbakal sang sigarlyo sang ini ang hinali nga ginluthang sang lalaki nga nakasakay sa itom nga Rusi nga motorsiklo, nakastripe nga bayo, itom nga shorts kag nakakalo, apang wala sini makita ang nawong sang suspetsado bangod sa hinali sini nga pagpalagya matapos sang krimen.
Nagpasalba pa ang suspetsado rasun nga madamo sang makit-an nga basiyo sang bala sa crime scene.
Suno diri, may naglagas man nga tricycle sa suspetsado nga natumod nga padulong sa Barangay Alijis apang wala na makita kun sa diin ini nag-agi.
Gilayon naman nga ginhingagaw dala sa ospital ang biktima para sa nagakaigo nga pagbulong.
