Patay ang isa ka lalaki nga ginaalegar may deperensya sa paminsaron sang ini ang malapakan sang trcuck sa Sitio Ambacan, Barangay Gargato, banwa sang Hinigaran, kahapon.
Ang biktima ang ginkilala nga si Winston Balo Samillano, residente sang nasambit nga lugar, samtang ang drayber naman sang truck ang ginkilala nga si Roberto Bernardo Tagabuhin Jr, 32 anyos, residente sang Barangay Talubangi, siyudad sang Kabankalan.
Sa interview sang Bombo Radyo kay Police Major Clifford Batadhay, hepe sang Hinigaran Municipal Police Station, nakaparking ang truck sa kilid sang dalan kun sa diin wala na notisyaran sang drayber nga nagakatulog sa idalom sang truck si Samillano labi na nga nagapanghabol ini sang net.
Gani sang ginpalakat ang truck, nalapakan sini ang biktima.
Samtang sang Pebrero 9, gin-aresto ang biktima sang ini may ginlampusan nga maestra.
Sa karun yara na sa kustodiya sang kapulisan ang drayber sang truck.
