Ginkumpirmar ni Chief Petty Officer Louie Campaner sang Bacolod Coast Guard-Substation nga temporaryo nga gincancel ang biyahe sang pila ka mga fastcraft sa Bredco Port nga ginalakipan sang Ocean Jet kag Montenegro bangud sa pugada ukon mabaskog nga hangin kag dalagko nga balod.
Suno kay Campaner, wala man sang may nastranded nga mga pasahero bangud nagsaylo ang mga ini sa Roll on-Roll off ukon Roro kag nagapadayon man ang biyahe sang Weesam Express.
Suno diri, kun magkanay na ang pagbalod kag indi mabaskog ang hangin bwas nga adlaw maresume man ang biyahe sang nagcancel sang ila nga biyahe.
Ginpahayag pa sini nga gincancel sang pila ka mga fastcrafts ang ila nga biyahe bangud may yara na sang nagsululuka bangud sa mabaskog nga hangin kag pagbalod.
Ginklaro sa Bombo Radyo ni PCG Bacolod CPO Louie Campaner nga ang ocean jet kag montenegro lines ang nagkanselar sang trips sumogod alas dos ang takna subong nga hapon.
Ginkumpirmar man sang Coast Guard Sub Station San Carlos nga ang EB Aznar Shipping Corporation Inc. nga may byahe San Carlos Toledo vice versa ang nag kanselar man sang trip subong nga adlaw lakip na ang nagabyahe sa Banquerohan Cadiz Port nga Balt Bep Journey’s.
