Nagapati ang gobernador sang Negros Occidental nga importante nga madeterminar ang nagakaigo nga volume kag timing sang importasyon sang kalamay.
Madumduman nga ginahulat na lamang ang “go signal” nagikan kay President Ferdinand “Bongbong” Marcos Jr. tuhoy sa pag-import sang Pilipinas sang 440,000 metric tons sang kalamay, santo sa gin-aprubahan sang Sugar Regulatory Administration Board.
Suno kay Governor Eugenio Jose “Bong” Lacson, importante nga madeterminar ang kadamuon kag nagakaigo nga tion para sa importasyon.
Suno kay Lacson, santo sa articles nga nagakabasahan sini, may yara sang konflikto sa timing sang importasyon.
Apang suno sa iya, may pagsalig ini sa SRA, nga ginabug-usan sang kalabanan mga Negrense, nga sila ang nagapanumdum man sang ikaayo sang mga planters ilabi na sang mga magagmay nga planters ilabi na nga sila ang majority sa karun.
