Patay ang isa ka amay sa sunog nga nagluntad sa Sitio Galangan, Brgy. Agpangi banwa sang Calatrva la 1 kahapon sang hapon, Pebrero 17.
Ang biktima ang ginkilala kay Robinson Aligado, 39 anyos, kasado kag residente sang amo man nga lugar.
Ginpahayag nga ginsunog ni Aligado ang ila nga balay kag ang iya kaugalingon.
Ginbubuan ni Aligado sang gasolina nga gikan sa motorsiklo ang ila nga puluy-an nga himo sa “light materials” kag gintutdan upod ang iya kaugalingon.
Gin-aligar nga may deperensya sa paminsaron ang biktima.
Sa inisyal nga datus sang Bureau of Fire Protection-Calatrava, nagdangat sa 34 mil ka pesos ang bili sang kahalitan nga gintuga sang sunog.
Sa karun, nagapadayon pa ang mas madalom nga imbestigasyon sang otoridad sa sini nga insidente.
