Patay ang isa ka amay nga ginapahayag may deperensya sa paminsaron sa sunog nga nagluntad sa Sitio Galangan, Brgy. Agpangi, banwa sang Calatrava.
Ang biktima ang ginkilala kay Robinson Aligado, 39 anyos, kasado kag residente sang amo man nga lugar.
Sa interview sang Bombo Radyo kay Police Staff Sergeant Johnmar Palabrica, imbestigador sang Calatrava Municipal Police Station, ang biktima ang may sang deperensya sa paminsaron kun sa diin ginbubuan sini sang gasolina ang kaugalingon kadungan sang pagsunog sang ila nga balay.
Sa impormasyon nga nakuha sang kapulisan, nakita sang mga residiente nga nagakasunog ang balay sang biktima kag yara ini sa sulod nga wala na narescue.
Suno kay Palabrica, ang biktima ang masami nga naga-inom kag may yara sang depresyon.
