Yara gihapon sa Bacolod Arts and Youth Sports Center ang mga residente sang Purok Magtiayon, Barangay 10, Bacolod City nga nadulaan sang balay kasunod sang sunog sang Pebrero 16.
Sa interview sang Bombo Radyo kay Punong Barangay Melvin Bravo, 25 ka mga balay ang apektado sang sunog kun sa diin 20 ang totally damaged kag lima ang partially damged.
Suno diri, magabaton sang financial assisatnce ang mga evacuees nga P10,000 para sa totally damaged akg P5,000 para sa partially damaged.
Magahatag man ang barangay sang P5,000 para sa totally damaged kag P3,000 sa partially damaged.
Pahayag ni Bravo, magapatigayon ini sang meeting para sa mga pumuluyo nga gamiton ang kwarta sa pagpatukod sang ila balay kag mahimo nga idistansya ang mga balay sa isa kag isa.
Ginalauman na nga marelease ang financial assistance subong nga semana.
Ginalantaw naman nga linya sang kuryente ang ginhalinan sang kalayo sang Pebrero 16 kag natabuan man nga wala sang tawo sa balay nga ginhalinan sang kalayo.
