Kadungan sang pagdumdom sang Ash Wednesday sa Miyerkules, Pebrero 22, ginpakigbahin sang parish priest sang Our Lady of Candles Parish sa Barangay Villamonte syudad sang Bacolod ang meaning sang Ash Wednesday.
Sa interview sang Bombo Radyo Bacolod kay Msgr. Felix Pasquin, ang abo ang nagarepresentar sang paghinulsol sang mga tumuluo sang ila mga sala kag ini ang pahanumdom nga ang tawo ang nagikan sa yab-ok kag magapanumbalik sa yab-ok.
Suno kay Pasquin, ang abo nga ginapalhit sa agtang sang mga tumuluo ang mga natipon nga laya nga lukay nga gingamit sang nakaligad nga tuig sang Domingo de Ramos.
Ang lukay ang ginasunog sa adlaw sang Martes antes ang Ash Wednesday.
Apang indi lang basta ginasunog kundi may yara sang ginasunod nga ritual kag pagpangamuyo nga ginahimo agud nga magsunog sang lukay para mangin abo kag magamit sa Ash Wednesday.
Ini man ang hugnat nga nagapahibalo sa tanan nga tumuluo nga katoliko nga nagaumpisa na ang kwaresma.
