Nagapati si Negros Occidental Governor Eugenio Jose “Bong” Lacson nga dako ang posibilidad nnga matigayon sa subong nga administrasyon ang Panay-Guimaras-Negros Bridge.
Suno kay Lacson, kun lantawon dako ang impact sang kaangay nga proyekto ilabi na sa rehiyon gani ginalauman niya nga matigayon ini.
Suno sa gobernador, kun panumdumon madugay ang preparasyon para sa nasambit nga proyekto humalin sa pagtuon padulong sa design sini tubtob sa paglunsyar sang proyekto.
Ginpahayag man sini nga ginapaabot na ang bidding para sa Panay-Guimaras-Negros Bridge sa bulan sang Marso.
Suno kay Lacson wala man ini sang opisyal nga update apang kuntani madala diri ang taytay nga magaangot sa Guimaras kag Negros.
Magadangat sa 32.47 kilometers ang Panay-Guimaras-Negros Bridge project nga nalakipan sang duha ka sea-crossing bridges nga magaresulta sa pag-angot sang isla sang Panay, Guimaras kag Negros.
