Duha ka mga department heads sa Negros Occidental Provincial Capitol ang magaretiro subong nga tuig.
Sa Pebrero 24, magaretiro na ang pinuno sang Provincial Social Welfare and Development Office nga si Merle Garcia, samtang sa bulan sang Hunyo, magaretiro naman ang pinuno sang Provincial Health Office nga si Dr. Ernell Tumimbang.
Suno kay Provincial Administrator Atty. Rayfrando Diaz, magabutang sang officer-in-charge kun magretiro na ang mga ini tubtub nga makabutang sang permanente nga department head.
Santo sa pagsulundan sang Department of the Interior and Local Government, dapat regular kag permanent employee ang igabutang nga department head gani magalabay pa ini sa malawig nga proseso.
Sa karon nga on-leave na si Provincial Disaster Management Program Division head Dr. Zeaphard Gerhart Caelian nga magasaylo bilang assistant city assessor sang Silay City, ginbutang bilang OIC sang PDMPD si Marife Macaya, project development IV nga assigned sa Office of the Provincial Administrator, samtang ang focal person naman sang PDMPD amo si Irene Belle Plotenia tubtub nga makabutang sang department head.
Suno kay Diaz, sila ang nagalaom nga makakita sang maayo nga empleyado nga magalantaw sang welfare sang bilog nga sector nga ila nasakupan.
