16 tanan ka mga miyembro sang communist terrorists group (CTGs) ang nagbalik sa sabak sang gobyerno paagi sa pagsungka sa 94th Infantry Battalion sang Philippine Army sa Barangay Tambo, banwa sang Ayungon, Negros Oriental.
Sa interview sang Bombo Radyo Bacolod kay 303rd Infantry Brigade Col. Orlando Edralin, 15 lang ang una nga nagsungka sa 94th IB apang may nagsunod nga isa.
Suno kay Edralin, may yara sang nagsungka nga may mataas nga ranggo sa grupo.
Nagadihon man sang plano ang pamunuan sang 303rd Infantry Brigade sang Philippine Army agud nga mangin inspirasyon sa iban pa nga miyembro sang ila grupo ang nagbalik na sa sabak sang gobyerno nga mga kaupdanan.
Gutom kag kakapoy ang nagapanguna nga rason sang pagsungka sang mga anay miyembro sang makawala nga grupo.
Ginsurrender man sang mga ini isa ka M4 rifle; 2 ka caliber revolver, isa ka homemade shotgun kag isa ka rifle grenade.
Ang mga surrenderees ang makabaton sang cash assistance kag iban pa nga bulig nagikan sa gobyerno sa idalom sang Enhanced-Comprehensive Livelihood Integration Program E-Clip kag iban pa nga mga benepisyo nagikan naman sa NTF-ELCAC.
Nagapabilin ang mga ini sa paghinakop sang 94th IB para sa safekeeping.
