Ginpatpat ni Bacolod City Councilor Atty. Renecito Novero kun paano ginatukod ang Constitutional Convention sa Pilipinas.
Sang damlag lang, gin-aprubahan sang Constitutional Amendments Committee sa Kongreso ang isa ka resolusyon nga nagapanawagan sang isa ka constitutional convention agud i-amend ukon i-revise ang 1987 Constitution.
Sang Pebrero 20, 17 ka mga mamalidha ang nagboto nga pabor sa unnumbered Resolution of Both Houses (RBH), tatlo ka iban pa ang nagreject sa dokumento samtang isa naman ang nag-abstain.
Sa interview sang Bombo Radyo kay Councilor Atty. Renecito Novero, ginpahayag sini nga ang constitutional convention ang nalakip sa mga method agud bag-uhon ang Konstitusyon.
Nalakip diri ang paghimo sang isa ka separado nga body sang representatives nagikan sa 254 ka mga distrito nga ginpili sang voting public nga amu ang magaboto sa revisions ukon amendments.
May ginapropose man nga hybrid model ukon “hybrid” constitutional convention, kun sa diin ang mga delagates ang mangin kombinasyon sang mga representatives nga gin-elect sang mga pumuluyo kag mga experts nga gin-appoint sang executive kag legislative branch sang gobyerno.
80 porsyento lamang sang 254 ka mga distrito ang pagakuhaon samtang ang 20 porsyento ang iga-appoint sang executive kag legislative branch kag pagalakipan sang mga eskperto sa nagkalain-lain nga sektor.
Suno kay Novero, P1.5 billion ang inisyal nga budget para diri apang kun ini ang idungan sa Barangay and Sangguniang Kabataan Election, mas mabuhinan ang magasto.
Suno diri, ang Commission on Elections (COMELEC) sa gihapon ang magapatigayon kag ang may exclusive authority sa election sang Constitutional Convention Delegates.
Samtang…mangin si Bacolod City Councilor Renecito Novero ang nagapati nga magluwas sa economic provision, may pila pa ka mga punto nga dapat i-amend sa 1987 Philippine Constitution.
Sa interview sang Bombo Radyo kay Novero, nagapati ini nga magluwas sa economic provision, nga may mga provision sa 1987 Constition nga dapat bag-uhon.
Suno sa iya, indi lamang economic provision ang dapat i-amend kundi nalakip man sa points of amendment ang termino sang mga opisyal kag tenure of office.
Suhestiyon sini palawigon ang termino sang mga elected nga konsehal, kongresista kag local officials sang lima tubtob anum ka tuig kag wala sang re-election agud mapadayon ang implementasyon sang ila mga programa.
Suno diri, dapat man nga bag-uhon ang Anti-Dynasty provision sang Konstitusyon bangud daw kaangay nga bulak lamang ini kag indi self-implementable.
Aminado ini nga madamo sang political dynasty sa Pilipinas kag indi dapat mag-expect nga ang layi amo ang magadefine kun ano ang ginatawag nga “dynasty”.
Suno sa iya, nakabutang sa Konstitusyon nga ang political dynasty ang subject by law pa ang definition kag nagakadapat kuntani nga butangan na lamang sa Konstitusyon sang self-implementable resolution.
Nagapati man si Novero nga mga mangin miyembro sang Constitutional Convention Delegates ang dapat hilway sa impluwensya sang mga mamalidha.
