Nagapabor si Negros Occidental Governor Eugenio Jose “Bong” Lacson sa pag-amend sang 1987 Constitution ilabi na sa bahin sang economic provisions.
Suno kay Lacson, may yara sang pagtulun-an sa iban nga pungsod nga ginapahanugutan ang mga foreign investors nga makahatag sang 100 percent nga investment sa Pilipinas.
Suno sa gobernador, nagakomporme ini bangud ini ang magahatag sang full ownership advantage kag makabulig sa ekonomiya sang pungsod.
Suno sa iya, tanan nga Presidente nga nagapadulong abroad ang nagabalik sa Pilipinas dala ang mga pledges nagikan sa foreign investors kag kun sumahon ang mga ini, nagadangat sa trillion pesos.
Bangud maayo naman ang resulta sang pagpadulong sang chief-executive sa luwas sang pungsod, suno sa iya, indi na kinahanglan pa nga i-amend ang Konstitusyon ilabi na sa bahin sang ekonomiya.
Apang kun i-amend ang economic provisions sa 1987 Constitution, mas mapasanyog ang mga oportunidad kag posible nga mas madamo pa nga mga investors ang magpadulong sa pungsod. Samtang, ginpahayag sang gobernador sang probinsya sang Negros Occidental nga luyag sini nga walo ka tuig ang termino sang elected officials sa sulod sang duha ka termino.
Suno kay Governor Eugenio Jose “Bong” Lacson, nga luyag sini nga makita ang amendment sang term limit sang elected officials.
Suno kay Gov. Lacson, malip-ot ang tatlo ka tuig nga pagserbisyo sang isa ka opisyal sang gobyerno, rason kun ngaa luyag sini nga mangin apat ka tuig ang pagpungko kada termino.
Suno sa gobernador kun apat ka tuig kada termino may yara sang duha ka tuig nga ligwa ang mga nagapungko sa paghatag sang ila serbisyo sa mga pumuluyo.
