Gina abi-abi sang Diocese sang Bacolod ang ika-lima na nga pagbisita sang Pilgrim Relics ni Santa Teresita del Nino Hesus sa Pebrero 28 tubtob Marso 2, 2023.
Sa Martes, Pebrero 28, alas-12:00 sang udto, gikan sa Archdiocese of Jaro ang Pilgrim Relics ang maga-abot sa Bredco port.
Kasunod sini, magapatigayon sang motorcade padulong sa San Sebastian Cathedral kun sa diin patigayunon ang welcome rites kag veneration of Relics para sa San Sebastian kag Alijis Vicariates.
Alas-4:00 sang hapon, ini ang igasaylo sa Carmelite Monastery kag alas-5:00 sang hapon magapatigayon sang welcome rites kag concelebrated mass nga pangunahan ni Bishop Patricio Buzon samtang may-ara man sang veneration of Relics matapos ang misa tubtob alas-10:00 sang gab-i.
Sa Marso 1, igatransfer ang Pilgrim Relics sa St. Therese of the Child Jesus Quasi Parish sa Cameroli, Bacolod City alas-5:00 sang kaagahon samtang magapatigayon sang concelebrated mass alas-6:00 sang aga para sa Sum-ag Vicariate.
Kasunod sini, magapatigayon naman sang motorcade padulong sa St Mary Magdalene Parish sa banwa sang Hinigaran kag veneration sang Pelgrim Relics para sa Bago, La Carlota kag Hinigaran Vicariates.
Alas-9:00 sang aga, ang Pilgrim Relics ang maga-abot sa Hinigaran Parish kag magapatigayon sang motorcade padulong sa Triumph of the Holy Cross Parish sa Camingawan, Kabankalan.
Ini ang igahapit sa La Carlota, Murcia, Mansilingan, Bakyas, New Governmengt Center, NOCPPO Headquarters’ chapel kag alas-2:00 sa hapon ini ang magadangat na sa Camingawan Parish kun sa diin magapatigayon sang veneration sang Pelgrim Relics para sa Murcia kag Camingawan Vicariates.
Kasunod sini magapatigayon naman sang motorcade padulong sa University of St La Salle (USLS) Chapel kag alas-5:30 sang hapon, ini ang maga-abot na sa Redemptorist Church.
Alas-6:00 sang gab-i magapatigayon sang concelebrated mass kag veneration of relics para sa Bata kag Villamonte Vicariates tubtob alas-10:30 sang gab-i.
Sa Marso 2, alas-7:30 sang aga, ini ang magahalin na sa Redemptorist Shrine kag magapatigayon sang motorcade padulong sa Shrine kag Parish sang San Nicolas de Tolentino sa Talisay City kasubong man sa San Diego Pro-Cathedral sa Silay City kun sa diin patigayunon ang farewell mass.
Kasunod sang misa magapatigayon naman sang veneration sang relics para sa Silay kag Victorias Vicariates.
Alas-12:00 sang udto, ini ang magabiya na sa Our Lady of Victory Parish sa Victorias City kag alas-12:30 sang hapon ang St Therese Pilgrim Relics ang iga-turn over na sa Diocese of San Carlos.
