Pagahiwaton sa Martes, Pebrero 28, ang opisyal nga pagturnover sang bag-o nga Land Traspotation Office sa Bacolod City.
Sa interview sang Bombo Radyo kay Renato Novero, pinuno sang LTO Bacolod, alas-10:00 bwas sa aga ang turn over ceremony.
Suno diri, una ini nga gin-endorse sang termino ni former Governor Alfredo Maranon Jr, apang bangod sa pandemic ini ang nadelay, apang mahimo na nga natigayon sa idalom ni Governor Eugenio Jose ”Bong” Lacson.
Ang duta ang may kalaparon nga isa ka ektarya kag may budget nga P13.3 million.
May yara man sang multi-purpose building para sa law enforcement office.
Suno kay Novero, malapad ang area para sa pagpark sang mga kliyente kag sa mga impounded vehicles.
Apang sa karun, mabudlay pa ang public transportation nga kinahanglan pa i-establsih sa bag -o nga ruta nga nanegosyar naman sini ang Barangay Council sang Mansilingan nga ginapamunuan ni Punong Barngay Rodolfo Pico.
Sa seremonya, lauman ang presesya nanday LTO Assistant Secretary Jay Art Tugade, Transportation Undersecretary Mark Steven Pastor, LTO Executive Director Giovanni Lopez, Bacolod City Mayor Albee Benitez, Congressman Greg Gasataya, Governor Eugenio Jose Lacson kag Vice Governor Jeffrey Ferrer.
