Ginpangunahan ni Department of Transportion Undersecretary Mark Steven Pastor ang pagturn-over sang Bacolod District Office sang Land Transportation office sa Manayawsayaw, Brgy Mansilingan sa Bacolod City kaina sang aga.
Yara man sanday Land Transportation Office Asst Sec Jose Arturo Tugade, kag lokal nga opisyales sang Negros Occidental nga sanday Governor Eugenio Lacson, Vice Governor Jeffrey Ferrer, Bacolod Congressman Greg Gasataya kag Councilor Kalaw Puentevella.
Sa speech ni Pastor, ginpasalamatan sini ang tanan nga mga nagatrabaho sa gobyerno nga padayon nga nagahatag sang serbisyo sa pihak sang gin-agyan nga pandemya.
Ginpangako man sini sa tanan nga mga kliyente sang bag-o nga opisina sang LTO sa syudad sang Bacolod bangud balewala ang manami nga bag-o nga opisina sang nasambit nga opisina kun indi man maayo ang systema kag ginahatag nga serbisyo.
Suno kay Pastor, requirement para sa mga nagatrabaho sa LTO ang disiplina kag ang pagimprove sang reputasyon sang ahensya.
Ginapangamuyo man sang mga ini nga ang mga LTO employees ang padayon nga maghatag sang nagakaigo nga serbisyo sa pihak sang mga ginalunsyar nga mga proyekto sang ahensya nga indi pa mabaton sa karun sang ila mga kliyente.
Suno diri dapat man nga manindugan ang nagatrabaho sa ahensya kag ipahangop sa mga kliyente insakto nga mga pamaagi sang pagtransaksyon sa ahensya ang ginalunsyar nga mga programa.
Nagpanugyan man ini nga dapat nga pasanyugon pa sang ahensya ang ila nga mga serbisyo agud nga mas makilala pa sila sa probinsya sang Negros Occidental kag sa kaiping nga probinsya.
