Tag-iya sang ido nga si “Skittles” nga ginluthang-patay sa Barangay Singcang-Airport, desidido nga magpasaka sang kaso; negosyante nga suspetsado magapasaka man sang kaso batok sa tag-iya

Wala sang settlement nga natabo sa tunga sang tag-iya sang Siberian Husky nga si Skittles kag sa negosyante nga nagluthang diri sang Lunes, Pebrero 20 sa Greenplains Subdivision, Bacolod City.

Madumduman nga sang Miyerkules, Pebrero 22, ginbawian sang kabuhi sa ospital si Skittles.

Kahapon nag-atubangay si Dominador Bangero ang lalaki nga nagtiro sa Husky kag ang tag-iya sang ido upod sa animal welfare group ang nag-atubangay sa Barangay Singcang-Airport.

Sa interview sang Bombo Radyo Bacolod kay Kirsty Libo-on, tag-iya sang Siberian Husky nga si Skittles nga wala sang settlement nga natabo bangud mapasaka sila sang kaso batok kay Bangero bangud sa pagpatay sini sa ido.

Suno kay Libo-on mapasaka man si Bangero sang kaso batok sa ila apang wala ini nakahibalo kun ano nga klase kaso ang ipasaka sa iya