Nagpatigayon sang mga activities ang Bureau of Fire Protection- Bacolod Fire Station kasunod sa selebrasyon nga Fire Prevention Month sa bulan sang Marso, 2023.
Sa interview sang Bombo Radyo kay Fire Chief Inspector Rodel Legazpi, ila ginpatigayon ang programa sa tema nga ‘Pag iwas sa sunog, hindi ka nag-iisa’.
Kalakip sa mga activities ang motorcade kag simultaneous blowing of horns sang strategic fire stations sa Bacolod.
May yara man sang poster making kag essay writing contest nga paga-partisiparann sang 50 ka mga estudyante.
Ila man padayon nga ginahingyo ang tagsa ka mga Fire station nga ipatigayon man nila ang ila nga area of responsibility sa rekorida nga Oplan Ligtas Pamayanan.
Makita man sa mga electronic bilboards ang fire prevention month advertisement para mgahatag sang paandam sa mga pumuluyo kag kasubong man nga may yara sang patigayunon nga lecture kag symposium sa mga barangay kag mga buluthuan.
Sa Marso 8, ipreparar nila ang open house sang esatsyon para sa station tour kag fire safety and prevention activity para sa mga kabataan.
Sa Marso 13, maga-conduct sang fire drill sa mga tenants kag employees sa mga malls.
Marso 17, may Bureau of Fire Proetction fire square road show kag sa Marso 16 tubtob 23, may outreach immersion program.
Patigayunon naman sa Marso 24 ang first Barangay Fire Olympics sang Community Fire Auxiliary Group kag sa katapusan sang bulan Marso 31, may yara sang culmination activity ang BFP Bacolod.
Panugyan ni Legaspi, dapat ipractice ang fire prevention adlaw-adlaw indi lang sa bulan sang Marso.
