Padayon pa nga ginapangita ang 20-anyos nga lalaki nga nadula pagkatapos sang engkwentro sa Barangay Carabalan, Himamaylan City.
Madumduman nga nagpadulong sa Himamaylan City Police Station ang iloy ni Dennis Sibil sang Sitio Tapul, Barangay Carabalan agud ireport nga wala na ini nakapauli.
Suno kay Barangay Kagawad Edgardo Aurelio, may nakakita nga residente nga nagasakay sa motorsiklo si Sibil sang siya ang ginkuha sang duha ka lalaki nga nagasuksok sang mask kag ginaalegar mga intelligence army.
Ginsaylo ini sa itom nga pick-up kag tubtob sa karun wala pa nahibaluan kun diin gindala.
Una na nga ginpahayag ni Col. Renante Jomocan nga gin-abisuhan sini ang iloy nga magpadulong sa Soledad Funeral Homes agud lantawon kun ang ginapangita sini nga iya bata ang nalakip sa apat nga napatay sa engkwentro kag kun indi magabalik ini sa police station agud nga iassists sa iya nadula nga anak.
Wala naman nakabalik sa police station ang iloy nga nagreport nga missing anak sini matapos ang nagluntad nga engkwentro sa tunga sang 94th Infantry Battalion sang Philippine Army kag New Peoples Army sang Miyerkules.
