Nagalaom ang chairman sang Sentrong Samahan ng mga Tsuper at Operators Negros (SSTONE) nga mareview sang maayo ang memorandum circular nga ginhimo sang Department of Transportation (DOTr) kag Land Transportation Franchising and Regulatory Board (LTFRB) tuhoy sa modernization program.
Kahapon, nagpropose ang DOTr sa LTFRB nga pahalugon ang requirements sa Public Utility Vehicle Modernization Program agud ma-accomodate ang tanan nga operators kag drivers.
Sa interview sang Bombo Radyo kay Albert Villanueva, nagalaom ini nga kuntani indi lamang pag-iphase out ang traditional jeepneys kag indi sila pagpiliton nga magsulod sa kooperatiba.
Suno kay Villanueva, wala sa ila sang may maupod sa kooperatiba kag nagalaom nga hatagan nila sang diber ukon libre ang mga operators kag drivers kag indi pagkuhaon ang ila palangabuhian sa adlaw-adlaw.
Suno diri, kun one is to one kuntani ang modernization program, wala sila nagakontra.
Nagapasalamat naman ini sa local government sang Bacolod bangud ginapahanugutan lamang ang mga traditional jeepneys kag wala sila ginapabay-an.
Suno sa iya, nagpadala na sila sang position paper paagi kay Mayor Alfredo Benitesz kun sa diin ila ginplastar ang ila bahin.
Suno diri, handa sila nga magrehabilitate kag panamion ang ila mga units agud makacomply sa Clean Air Act basta indi lamang pagkuhaon ang ila palangabuhian kag piliton nga magsulod sa kooperatiba.
