Nagpanawagan ang asawa ni Negros Oriental Governor Roel Degamo nga mahatagan sang hustisya ang kamatayon sang iya nga bana kaina sang aga.
Sa kumpirmasyon ni Mayor Janice Degamo nga incumbent mayor sang Pamplona, gindeklarar sang doktor nga patay na ang gobernador alas-11:41 kaina sang udto.
Nagpanawagan ini sa national government nga masolbar ang krimen bangud indi deserved ni Degamo ang kaangay nga kamatayon.
Walo ka iban pa ang napatay kaupod kay Degamo bisan nagkadto lang ang mga ini sa balay sang gobernador agud nga maghingyo sang bulig.
Bangud sini, nagpanawagan ini sa national government nga mapasabat ang mga suspetsado.
Panindugan sang Pamplona mayor, ang iya bana lang ang nagapabilin nga matuod nga public servant sa probinsya.
Nagalaom naman ang misis sang gobernador nga maaguman nila ang hustisya sa nadangatan sang gobernador.
