Tatlo ka abandonado nga mga salakyan nga ginapatihan gingamit sang mga suspetsado nga nagpatay kay Negros Oriental Governor Roel Degamo, narecover sa Bayawan City

Tatlo ka abandonado nga mga salakyan nga ginapatihan gingamit sang mga suspetsado nga nagpatay kay Negros Oriental Governor Roel Degamo ang narecover sa Barangay Cansumaling, Bayawan City, Negros Oriental kaina sang aga.

Ang tatlo ka mga salakyan ang naglikaw sa checkpoint nga ginpatigayon sang Bayawan City Police Station alas-11:30 sang udto.

Ini ang ginalakipan sang itom nga Mitsubishi Montero Sport nga may plate number YAP 163, green nga Isuzu Fuego nga may plate number GRY 162 kag gray nga Mitsubishi Pajero nga may plate number NQZ 735.

May dugo naman nga nagrawit sa bangko kag puertahan sang SUV nga patimaan nga may napilasan sa mga suspetsado.