Nagakalisod ang Punong Barangay sa San Isidro, Pamplona, Negros Oriental matapos ang pag-ambush kag pagkapatay kay Negros Oriental Governor Roel Degamo kag walo ka iban pa.
Suno kay Punong Barangay Reynante Baldado, kaangay nga ikaduha nga amay na ang pagkabig sang mga ini sa gobernador ilabi na nga kaingod lang nila ini sang balay.
Pahayag pa sini nga bilang Punong Barangay, siya ang masami man magpadulong sa puluy-an sang gobernador agud magpalab-ot sang mga panginahanglanon sang ila constituents.
Dugang pa sini nga sang natabo ang insidente may-ara sang party sa balay ni Degamo apang sila ang wala makatambong, apang wala man sini ginakabig nga mapalarun ang iya nga kaugalingod bangod madamo sang nadalahig.
Halos indi man sini mabatun ang natabo sa ginakabig nila nga ikaduha nga amay apang ginasalig na lamang nila sa Diyos ang paghatag sang hustisya.
Dugang pa ni Baldado nga Sabado ang adlaw sang pagbatun sang bisita sang gobernador bangod kun Domingo tubtob Biyernes, siya ang yara sa Dumaguete City.
sa pagkakilala sini kay Degamo, ini ang mabinuligon, may kahadlok sa Diyos kag mapinalanggaon nga sahi sang persona.
Gani para sa mga ini kanugon ang pagkadula sang gobernador gani sila ang nagapangabay na lamang nga makakita pa sang kaangay diri sang batasan.
Mensahe naman sini sa pamilya Degamo nga magpakabakod kag pagpangamuyo na lamang ang sarang nila nga mahalad sa kamatayon sang gobernador.
Bilang opisyal, suno diri nabatyagan gid nila nga indi lamang bilang trabaho, kundi may pagpalangga gid ang gobernador sa ila nga mga public officials, kasubong man sa publiko.
