Narelieve na ang tanan nga mga personnel sang Bayawan City Police Station matapos ginpatuman ang mando sang pinuno sang Philippine National Police kasunod sang Pamplona massacre kun sa diin ginpatay si the late Negros Oriental Governor Roel Degamo kag walo ka iban pa.
Sa press conference ni Police Lt. Col. Gerard Ace Pelare, spokesperson sang Special Investigation Task Group-Degamo, temporaryo nga gindetail ang mga ginrelieve nga mga kapulisan sa Negros Oriental Police Provincial Office.
Ginpahayag naman ni Pelare, ang pagrelieve sa mga police personnel ang operational kag tactical decision sang command bangud sa nahibaluan ang apat ka mga suspek ang nadakpan sa banwa sang Bayawan.
Ginpasalig man ni Pelare nga arestuhin sang mga ini ang nabilin nga mga suspetsado kag may yara na sang mga katapo sang Philippine National Police kag Armed Forces of the Philippines agud nga maghatag sang seguridad sa probinsya kasubong man maglagas sa mga nabilin nga mga suspetsado.
Bantay sarado naman ang mga entries kag exit point sa isla sang Negros agud nga masiguro nga indi na makapadulong pa sa iban nga probinsya ang mga ini.
Nangin kabahin naman sang ila nga imbestigasyon ang isa ka persona nga nakita sa CCTV nga nagsakay sa eroplano padulong sa Dipolog City halin sa Zamboanga agud mahibaluan kun ini ang isa man sa mga ginalagas nga suspetsado.
