Gintuad sang isa ka suspect sa assassination ni Negros Oriental Governor Roel Degamo nga si Congressman Arnie Teves ang nagsugo sa ila.
Sa isa ka ambush interview, ginpahayag sang suspetsado nga ginhire sila ni Teves agud mangin VIP security apang ginsugo ang mga ini nga patyon ang isa ka drug lord kag sindikato kag wala ang mga ini nakahibalo nga ini ang target amo ang gobernador sang Negros Oriental.
Una na nga ginpanginwala ni Teves ang involvement sini sa assassination kag nagrelease man ini sang statement nga nagapakig-unong sa pamilya ni Degamo.
Nagpanawagan man ini sang maid-id nga imbestigasyon sa krimen.
Ginpahayag naman sang Special Investigation Task Group (SITG) Degamo nga kabahin sang resulta sang imbestigasyon sang mga ini ang revelation sang Department of Justice nga si Teves ang ginaalegar mastermind assassination.
Suno sa statement sang SITG, nahibaluan na nila ang ini nga impormasyon sang ila naaresto ang apat ka mga suspetsado anum ka oras matapos ang insidente.
Ila gilayon nga ginturn-over sa DOJ ang mag suspetsado kag ang mga ebidensya bilang kabahin sang proseso.
Sa karun, suno diri, yara na sa Department of Justice ang kontrol tuhoy sa prosecution sang kaso.
