Na-apresyar sang pamilya ni the late Negros Oriental Governor Roel Degamo ang pagpadulong ni President Ferdinand Marcos Jr. sa haya sang nagtaliwan nga gobernador sa Barangay Junob, Dumaguete City kahapon.
Suno kay Pamplona Mayor Janice Degamo, nahadlok ini para sa ila kaluwasan apang indi sini pagpahanugutan ang kahadlok nga magpugong ang maagom ang hustisya para sa gobernador.
Kahapon, nagpadulong si Marcos sa Negros Oriental agud makig-unong sa pamilya kag magbisita sa haya ni Degamo.
Suno kay alkalde, magluwas sa mag-abyan ang Presidente kag ang iya bana, luyag man ni Marcos nga maagom ni Degamo kag sang walo ka mga sibilyan nga napatay sa assassination ang hustisya.
Suno diri, natouch ang ila pamilya sa pagbisita ni Marcos apisar sang iya masako nga schedule bangud indi mahapos ang mangin Presidente kag gin-atubang sini ang tanan pati man ang mga hingyo sang pamilya sang mga biktima.
Suno sa iya, ginhambalan ini ni Marcos nga siya ang nagpadulong sa Negros Oriental agud makig-unong kag magpalab-ot sang assistance sa tanan nga nalisdan.
