Maid-id ang pagbantay sang Provincial Government sa tanan nga port sa Negros Occidental kag Bacolod City agud malikawan ang pagsulod sang African Swine Fever (ASF) sa probinsya.
Madumduman nga sang Martes, nagpagwa si Negros Occidental Governor Eugenio Jose Lacson kag Bacolod City Mayor Alfredo Abelardo Benitez kahapon sang Joint Executive Order para sa total ban sa pagpasulod sang mga pork products kag iban pa nga pork related food items nga nagikan sa may positibo nga kaso sang African Swine Fever kalakip na ang nagikan sa Cebu.
Ang joint na EO ang ginpagwa sang duha ka matag-as nga opisyal kasunod sang pagpagwa sang EO ni Cebu Governor Gwendolyn Garcia nga nagadumili man sa pagpasulod ukon paglabay sang mga pork products kag iban pa nga pork related food items sa Negros Island.
Sa interview sang Bombo Radyo kay Provincial Veterinarian Dr. Placida Lemana, hugot gid nila nga ginabantayan ang tanan nga port ilabi na sa Districts 1, 2 kag 3 bangud nagikan ang mga ini sa Cebu kag Iloilo.
Ang Bredco Port ang nalakip naman sa Bredco 4.
Suno kay Lemana, ginamobilize ang mga tawo sa mga barangay kag ginabantayan ang tanan nga borders kag shorelines humalin sang pagtuhaw sang ASF sa Iloilo.
Ginabantayan man ang mga van ukon mga livestock carrier nga may dala nga mga items nagikan sa Cebu kag maid-id nga ginatsekyar ang mga baggages kag vans.
Suno kay Lemana, sa karun nagapadayon pa ang surveillance kag ginpasa na ang samples sang Bureau of Animal Industry.
Nagapabilin naman suno sa iya nga green zone ang Negros Island sa mapa sang Pilipinas.
Suno diri, nagdugang sang mga personnel si Governor Eugenio Jose “Bong” Lacson sa mga checkpoints agud mas mangin stringent ang inspection samtang nagdugang man sang tawo sa ila mga checkpoints ang iban nga LGU.
