Ginmanduan ni President Ferdinand Marcos Jr. ang Department of National Defense nga hatagan sang atensyon nga mapahagan-hagan ang krimen sa Negros kag mahatagan sang hustisya ang pamilya ni the late governor Roel Degamo kasubong man ang pamilya sang walo ka sibilyan nga naulamid sa natabo nga pag-pang atake sa gobernador.
Suno kay Defense Secretary Carlito Galvez Jr, nag-issue sang verbal orders ang presidente nga magpatukod sang joint task force ang 302 nd Infantry Brigade kag 303 rd Infantry Brigade, para maghatag sang dugang nga pwersa sa joint Armed Forces of the Philippines – Philippine National Police (AFP- PNP) operations.
May yara man sang 50 man specially trained strong light reaction company, nga nakigbahin sa giyera sa Marawi ang gindeploy sang AFP magmonitor sa mga suspetsado nga wala pa ma-aresto.
Ini kasunod sa pahayag ni Marcos sa mga suspek nga mahimo nila makapalagyo apang ini naman indi makapanago.
Suno kay Galvez, iga-aresto ang tanan nga imbulbado sa pagpatay kay Degamo kag sa walo ka sibilyan agud nga mahatagan sang hustiysa ang ila mga pamilya.
Nanawagan man ini sa tanan nga mga suspetsado nga mag-surrender na, ilabi nga may mabakod na nga ebidensya sang naghatag sang pangalan sang mastermind ang duha ka na-aresto nga mga suspetsado.
Naghatag man sang kasiguraduhan si Galvez nga yara ang bulig sang gobyerno sa pag-imbistigar kag paglocate sang posible nga mga witness sa pag aresto sa mga suspetsado.
