Yara na kustodiya sa karun sang Philippine National Police-Criminal Investigation and Detection Group (CIDG) ang anum ka mga empleyado ni Negros Oriental Representative Arnolfo Teves.
Suno sa PNP-CIDG yara sa 10 Search Warrants ang ginpatuman bangud sa paglapas sa RA 10591 kag R.A.9516 nga gin-issue ni Hon. Allan Francisco Garciano, Executive Judge ng RTC, Mandaue City,Cebu.
Ang mga indibidwal nga yara sa kustodiya sang CIDG ang naabtan sang mga otoridad samtang ginapatigayon ang raid sa mga properties sang mga mamalidha santo sa ginpagwa nga search warrant.
Suno kay PNP Spokesperson Col. Jean Fajardo, anum ang yara kustodiya sang CIDG samtang ang apat ang at-large sa karun kalakip diri ang mamalidha.
Ginpahayag naman ni CIDG chief legal officer PCol. Thomas Valmonte nga ang isa sa mga empleyado ang security guard samtang ang isa ang close associates sang mamalidha.
Nagapabilin ang mga ini sa karun sa Camp Crame sa Quezon City.
Madumduman sang Biyernes, ginraid sang mga police ang tatlo ka balay nga ginapanag-iyahan ni Teves kag duha ka mga ginapanag-iyahan sang iya nga sekretarya kag close associates sa Bayawan City kag sa banwa sang Basay sa Negros Oriental.
Nakumpiskar sang mga otoridad ang napulo ka short firearms, anum ka rifles, 19 long magazines kag extended magazines, pila ammunitions, 100 cartridge cases, rifle scope, tatlo ka hand grenades gun holsters.// Sa karun, indi pa mahibaluan kun san-o magabalik sa pungsod si Teves bangud expired na ang travel clearance sini.
Una na nga ginpanugyanan ni House Speaker Martin Romualdez si Teves nga magpauli na sa pungsod kag atubangon ang mga alegasyon batok sa iya.
