Nagpanugyan ang gobernador sang Negros Occidental sa mga pulis sa probinsya nga indi magkampante, sa baylo mas pasanyugon pa gid ang intelligence monitoring angot sa pamahog sa kabuhi sang mga opisyales sang gobyerno.
Tinalikdan nga adlaw, nakisapol si Governor Eugenio Jose ‘Bong’ Lacson kay Police Col. Leo Pamittan, director sang Negros Occidental Police Provincial Office.
Suno kay Lacson, ang meeting sang mga gobernador sa PNP general headquarters sa Campo Crame sang Martes ang nagsentro sa intelligence monitoring kun sa diin ginpahayag ni Iloilo Governor Toto Defensor nga dapat may yara sang constant assessment sang sitwasyon sa ila lugar.
Bangud sini, nakigsapol si Lacson kay Pamittan kag iya ginpahayag nga wala man sang kahangaw-an diri sa Negros Occidental.
Apang ginpanugyan sang gobernador sa NOCPPO director nga mas pasanyugon pa ang intelligence monitoring, mas mangin vigilant kag may constant intelligence gathering bangud mas maayo ang prevention.
