Gin-athag sang pinuno sang Bacolod Traffic Authority Office nga padayon ang ila nga pagpanakop sang colorum nga mga tricycle bisan may mga tinion nga indi makaupod ang iban nga mga miyembro.
Halos isa na ka bulan humalin sang ginlunsyar sang city government ang kampanya batok sa colorum nga mga tricycle.
Madumduman nga nagtukod ang Bacolod City government sang Task Force Against Colorum Tricycle sang bulan sang Pebrero 20.
Suno kay BTAO head Police Major Junji Liba, nagbuhin ang mga colorum tricycles apang wala gid sila nadula sa dalanon, kundi nagdiutay lang ang mga ini sa masako nga dalan.
Suno sa BTAO head, padayon ang operasyon sang BTAO batok sa colorum nga tricycle apisar pa nga may mga adlaw nga indi makaupod ang iban nga miyembro sang task force bangud voluntary ang ila pag-upod sa BTAO.
Suno kay Liba, nasuspend sang tinalikdan ang pag-upod sang mga miyembro sang task force bangud sa pila ka mga problema apang nagapadayon lang ang operasyon sang BTAO.
Wala naman nagatinir sa impounding area sang BTAO ang mga tricycle bangud gilayon ini nga ginagawad sang tag-iya, apang indi niya masiguro kun gilayon man ini nga nagabalik sa dalan.
Aminado ang BTAO head nga mas maayo kuntani kun dako ang multa para sa mga violators agud nga nga mas mabug-at bayaran.
