Ginpatpat sang tagpamaba sang Negros Occidental Police Provincial Office ang mga dapat nga himuon sang law enforcers sa pag-implementar sang search warrant.
Sa interview sang Bombo Radyo kay Police Captain Judesses Catalogo, dapat nga mapasar sang otoridad ang constitutional requirements antes mag-issue ang korte sang search warrant lakip na diri ang specific nga lokasyon kag dapat makumbinse ang issuing judge nga may kwaon nga kontrabando sa lugar.
Dapat man masiguro nga makahalit sa iban nga tawo ang serbihan sang search warrant.
Kun ma-issuehan na sini, suno kay Catalogo, may yara sang two point rule kun sa diin dapat duha ka mga police officers ang magaserbi sang search warrant.
Dapat may upod ang mga ini nga mga witness nga magagikan sa mga opisyales sang barangay ukon media ukon representative sang Department of Justice.
Dapat nga yara man ang nagaistar sa balay kag may suksok ang police officer sang body worn camera nga makacapture sang nagkalatabo sa sulod sang walo ka oras.
Pwede man nga makagamit sang cellphones nga gintalana lamang para sa amu sini nga buluhaton kag makarekord sa sulod sang walo ka oras nga wala sang utod-utod.
Sa pagpatigayon naman sang inventory sa mga nakuha sang mga items, dapat properly documented ang mga ini, may pictures, video kag label ang mga ini agud indi maduha-duhaan ang pag-implementar sang search warrant.
