Aprubado na ni Mayor Alfredo Benitez kag sang Sangguniang Panlungsod ang Summer Trade Fair nga igahamtang sa Bacolod Public Plaza.
Sa interview sang Bombo Radyo kay Councilor Celia Flor, chairman sang Committee on Market and Slaughterhouse, sang Marso 15 kuntani magasugod ang Summer Trade Fair apang ini ang gindebatehan sa Sangguniang Panlungsod kun sa diin wala sang may nagsuporta diri bangud madamo sang issue sa Bacolod Public Plaza.
Ila ginrekomendar nga si Mayor Benitez ang maghimo sang desisyon nga iya naman gin-aprubahan.
Nahisugtan nga ang local market committee amu ang magahimo sang resolution nga gin-aprubahan naman sang alkalde kag sang SP.
Sa mga luyag magbaligya ukon makaangkon sang stall, dapat magpadulong sa Office of the City Administrator para sa endorsement sang ila lisensya kag permit.
Magabayad ang mga ini gilayon sa Bacolod Treasurer’s Office.
Suno kay Flor, bangud nga ang propedad ang ginapanag-iyahan sang Cathedral, sila ang makaangkon man sang income diri.
