Nagapasalamat ang tagpamaba sang Negros Occidental Police Provincial Office sa suporta sang Negros Occidental Provincial Government sa pagpasanyog sang Intelligence Monitoring agud mapabilin ang peace and order sa probinsya.
Nahibaluan nga sang damlag gid lamang, gin-appoint si Governor Eugenio Jose “Bong” Lacson bilang chairperson sang Region 6 Peace and Order Council sa idalom sang pagpamuno ni Davao City Mayor Sebastian “Baste” Duterte bilang chairman sang Council.
Sa interview sang Bombo Radyo Bacolod kay Police Captain Judesses Catalogo, kaupod sang gobernador ang NOCPPO sa pagpanguna ni Police Provincial Director Col. Leo Pamittan, kag allied units sa pagpasanyog sang monitoring sa probinsya agud nga maprotektahan ang kalinong kag katawhayan.
Suno kay Catalogo, wala nagpabaya ang gobernador sa pagbulig sa programa kag aktibidades sang kapulisan kun sa diin padayun ang paghatag sang mga ini sang suporta.
May yara pa man sang ipatigayon nga meeting ang allied forces kag uniformed services angot sa pag-maintain sang peace and order sa Negros Occidental, gani wala pa nahibaluan ang reaksyon sang ahensya sang Philippine National Police (PNP) kag Armed Forces of the Philippines (AFP) sa pag-upod sang mga ini sa ginapanawagan sang gobernador.
