Todo preparasyon na sa karun ang pila sa mga kandidata para sa Lin-ay sa Negros sa palaabuton nga Panaad sa Negros Festival 2023 sa bulan sang Abril.
Suno kay Janella Marie Avelino, 20 anyos, Lin-ay sang La Carlota City, nga ang Lin-ay sa Negros amo ang pinakaprestigeous nga pageant nga iya mapasakupan apisar nga siya ang nakigbahin naman sa mga small scale kag school-based nga mga pageant sadto.
Bangod sini, todo sa karun ang iya nga preparasyon partikular na sa bahin sang iya nga rampa kag ang pagdala sang kaugalingon bangod aminado ini nga siya ang may ikasarang na pag-abot sa Question and Answer portion.
Paathag sini nga lawas kag mentallity ang iya nga parehas nga ginapreparar ilabi na nga siya ang 2nd Year Psychology student sa Colegio San Agustin-Bacolod, gani kinahanglan man niya nga mabalanse ang academics kag extra-curricular activities.
Ginapakamaayo man sang kandidata nga siya ang suportado sang mga manunudlo, La Carlota City Government, ilabi na sang iya nga pamilya.
Ang ginakabig nga adbokasiya ni Avelino amo ang “Art for Hope” kun sa diin sila ang nagapanghatag sang coloring book sa mga kabataan nga magluwas nga educational kag nagapromote sang La Carlota City, ini ang makadevelop man sa talento sang mga pamatan-on.
Nagbulig man sa ila ang LGU kag mga manunudlo sa pagproduce sang mga coloring book nga ginapanghatag samtang ang iya mga abyan ang nagtukod naman sang basic colloring kag art workshop kun sa diin siya ang nagapakigbahin naman sang iya nga pagpalangga sa dunang manggad.
100 porsyento naman ini nga nagapati nga mapauli ang korona apang paathag sang kandidata nga indi ini overconfidence kundi ginahype lamang niya ang kaugalingon agud malab-ot ang handom nga mangin labing una nga La Carloteño nga koronahan bilang Lin-ay sa Negros
Samtang aminado naman ang Lin-ay sang Pulupandan nga si Cristine Joy Gadiana,19 anyos, 1st Year Business Administration Student sa STI West Negros University nga madamo ini sang kinahanglan preparahan para sa natalana nga pageant partikular na sa lawas kag mentallity.
Siya ang nagapakigbahin man sa mga pageant humalin sang 14 anyos sa mga Barangay-level kag eskwelahan apang wala pa ini nakaagi compete sa mga gikan sa iban nga banwa kag syudad.
Dako man ang pagpasalamat sini sa suporta nga ginahatag sang banwa partikular na sang ila nga alkalde kag sa mga ginikanan sini nga full support sa iya.
“Sustainable Tourism” naman ang adbokasiya ni Gadiana bangod luyag sini nga ipakita nga apisar magamay lamang nga banwa ang Pulupandan, madamo pa ini sarang nga ipakita magluwas sa mga seafoods nga madugay na nga ginapabugal sa ila nga lugar.
Kaangay man sini ang iya handom sa bilog nga probinsya bangod luyag sang kandidata nga mapasanyog pa ang turismo kag mapabugal sa iban nga mga lugar.
Panugyan sini ang maintenance kag development sa mga natural resources kag tourist spots nga luyag niya ma-umpisahan sa information dissemination.
Ginpangagda man sang duha ang paglantaw kag pagsuporta sa mga kandidata sa Lin-ay sa Negros kun sa diin ang talent night kag presentation ang patigayunon sa Abril 14 samtang sa Abril 21 naman ang coronation night.
