Gin-athag sang pinuno sang Bacolod Traffic Authority Office (BTAO) nga wala ang mga ini sang pinilian.
Sa interview sang Bombo Radyo Bacolod kay Police Major Junji Liba, ginapatuman lamang sang BTAO kun ano ang ara sa papel.
Suno kay Liba, wala nila ginapaboran ang mga modernized jeepneys sa baylo ginaplastar lamang ang mga nagabiyahe nga modernized jeepney.
Suno diri, mahimo nga nasal-an lamang sang mga traditional jeepneys ang masami nga pagpalapit sang mga modernized sa BTAO agud magpaassist.
Gin-athag man sini nga gamay lamang ang deperensya sa ruta sang nagabiyahe nga modernized jeepney sa idalom Local Public Transport Route Plan (LPTRP) kag indi man totally nga lain.
Suno kay Liba wala sila sang ginapaboran kag tanan nga mga reklamo ang ila ginahatagan sang pagtamod kag ang nakasaad sa ordinansa ang ila lamang nga ginapatuman.
