Nagapati ang isa ka abogado nga mahimo man madismiss ang pito ka kaso nga ginpasaka batok kay Negros Oriental 3rd District Congressman Arnolfo “Arnie” Teves.
Sang Sabado, gindismiss sang Department of Justice (DOJ) ang isa sa walo ka reklamo nga illegal possession of firearms kag unlawful possession of explosives nga ginpasaka batok sa congressman bangud sa kakulang sang ebidensya bangud lain nga tawo ang nagapanag-iya sang narecover nga armas.
Sa interview sang Bombo Radyop kay Atty. Jomax Ortiz, ginatestingan pa sa karun kun ano ang mangin reaksyon ni Teves sa pagka-dismiss sang isa ka kaso nga suno diri mahimo man nga ibasura ang pito ka kaso bangod nga irregular ang pag-implementar sang search warrant.
Suno kay Ortiz, ang kampo ni Teves ang sarang nga makafile sang motion to quash a search warrant.
Suno kay Ortiz, wala pa ini nakahibalo sa lakat sang DOJ, nga sa karun wala sang garantiya nga indi mabasura ang pito ka kaso nga ginpasaka batok kay Congressman Teves.
