Ginalantaw sang Provincial Legal Office sang Negros Occidental nga matapos sa sulod sang 15 ka adlaw ang formal investigation sang kaso ni anay Isabela Treasurer Nenette Escarda.
Suno kay Atty. Alberto Nillas, naghatag na sang sabat sini si Escarda sa formal complaint sang March 13 kun sa diin sa iya sabat, ginpili sini ang position kag sa pareho man nga petsa, ginpasa niya man ang position paper.
Suno kay Nillas, 15 ka adlaw matapos mabaton ang sabat, masubmit naman sila sang ila nga formal investigation report kag matapos ang 30 ka adlaw may yara na sila sang desisyon sa kaso.
Mahimo na sila makapagwa sang recommendation and findings sa Marso 28 kag ini ang igapasa sa talatapan ni Negros Occidental Governor Eugenio Jose “Bong” Lacson.
Madumduman nga si Escarda ang nadulaan sang P6.8 million nga cash kag checke sa iya balay sa Brgy. Taculing sang ginsulod sang kawatan base sa iya pagpa-blotter sa Police Station 6.
Ini ang ginsuspend sang 60 ka adlaw kag ini ang nagpangatubang sang kaso nga grave misconduct, serious dishonesty kag malversation of public funds nga kaso administratibo ang anay treasurer sang banwa sang Isabela.
