Ginpahayag sang Negros Occidental Police Provincial Office nga wala sang dapat kahangaw-an ang mga pumuluyo sang Negros Occidental matapos nga ginpahayag nga ang apat ka mga ginatudlo nga suspek sa pagpatay kay Negros Oriental Governor Roel Degamo kag walo ka iban pa sang Marso 4.
Suno kay Negros Occidental Police Provincial Office (NOCPPO) spokesperson Police Captain Judesses Catalogo, wala sang dapat kahangaw-an ang mga pumuluyo bangud nagsungka man ang mga ginatudlo nga suspek sa Degamo assasination.
Suno kay Catalogo, wala man nahibaluan kun mga residente sang Negros Occidental ang mga nagsungka.
Ginalantaw man sini nga indi man makahatag sang panic sa mga tawo ang nagapanago pa kun may yara gid man bangud ang pagpanago sang mga ini amo ang paglikaw nila sa layi.
Ginpahayag man sini nga nagalikaw naman ang mga nasambit nga persona sa paghimo sang kalakasan bangud nakahibalo man ang mga ini nga ginapangita man sila sang mga otoridad samtanga nagapadayon ang imbestigasyon sa Degamo slay case.
