Nagpagwa sang statement ang balo ni the late Negros Oriental Governor Roel Degamo tuhoy sa pahayag sang mga akusado nga sila ang biktima man.
Sa isa ka Facebook video nga gin-upload ni Pamplona Mayor Janice Degamo, ginpahayag sini nga may impormasyon nga ginapalapta ang mga akusado nga sila ang mga biktima man.
Suno kay Degamo, indi ini matuod kag dapat hulaton ang gobyerno nga makapagwa sang ebidensya nga nagatudlo sa mastermind agud maintindihan ang sitwasyon.
Suno sa iya, paano nangin biktima ang mga tawo nga nangin rason sang kamatayon sang gobernador kag walo ka iban pa kasubong man pagkapilas sang kapin 17 ka mga persona.
Suno diri, ang mga nawad-an sang pamilya amu ang matuod-tuod nga biktima gani nagahingyo ini nga magluwas sa Department of Justice, Department of the Interior and Local Government kag Special Joint Task Force Negros, ginahingyo man sini ang Senado nga magpatigayon sang Senate hearing kag investigation.
Suno sa alkalde, kun magapatigayon sang imbestigasyon ang Senado, didto makit-an sang publiko ang mga hitabo antes pa man ang kamatayon ni Governor Degamo kag ila maintindihan ang sitwasyon.
Ginahangkat sini ang Senado nga hatagan ini sang tion kag atensyon agud mahatagan man sang hustisya ang mga nalisdan.
