Narecover sang mga kapulisa ang mga iligal nga armas-luthang kag ammunitions gikan sa compound nga gina-alegar ginapanag-iyahan ni former Negros Oriental governor Pryde Henry Teves.
Suno kay Criminal Investigation and Detection Group (CIDG) legal officer Police Colonel Thomas Valmonte, ang compound ang nahamtang sa Barangay Caranoche, sa banwa sang Sta. Catalina, Negros Oriental.
Paathag ni Valmonte, nga ang operasyon ang ginpatigayon pinaagi sa search warrant para sa illegal possession of firearms, sa compound nga nakapangalan kay Mr. Henry Pryde Teves.
Dugang pa sini nga ila narecover ang mga armas-luthang apang indi pa sini makonsiderar nga high-powered apang ini ang mga long-firearms.
Nagdangat naman sa 10 ka mga indi lisensyado nga armas ang nasapwan sa compound.
Nahibaluan nga si former Governor Mr. Henry Pryde Teves, nga wala sa compound sang ginpatigayon ang operasyon, ang utod ni suspended Negros Oriental Representative Arnolfo Teves Jr., nga akusado sa mga kaso sang pagpamatay nga natabo sa probinsya sang 2019.
Suno kay Valmonte, ang compound ang isa ka sugar mill nga may pangalan HDJ Bayawan Agri-Venture Corporation Tolong Compound samtang ang search warrant ang gin-issue naman sang Executive Judge sa Mandaue City, Cebu sang Huwebes.
Pahayag ni Valmonte nga ang raid ang kabahin sa operasyon sang CIDG batok sa illegal firearms kag wala sang kaangtanan sa mga kontrobersiya nga nakapalibot kay Congressman Teves.
Ginkumpirmar naman ni CIDG public information chief Police Lieutenant Colonel Marissa Bruno ang nasambit nga search warrant para sa bayolasyon sang Respublic Act 10591 ukon Comprehensive Firearms and Ammunition Regulations Act.
Suno diri, ginahulat pa nila ang kompirmasyon sang tag-iya sang nasambitan nga propedad.
Madumduman nga sang Marso 10, ginraid man sang mga kapulisan ang balay ni Congressman Teves sa Negros Oriental kun sa diin sila ang nakarecover man sang mga iligal nga armas-luthang.
Ginpanindugan naman ni Atty. Ferdinand Topacio, legal counsel ni Teves, nga ang mga armas-luthang nga narecover ang wala ginapanag-iyahan sang mamalidha.
Paathag sini nga ginsurrender na ni Congressman Teves ang ginapanag-iyahan sini nga armas-luthang, bilang precautionary measure matapos mabaton ang impormasyon nga mahimo magpatigayon sang raid batok sa iya.
