Ginkakibot sang presidente sang United Sugar Producers Federation ang pagresign sang abyan sini nga si David Thaddeus Alba bilang administrator sang Sugar Regulatory Administration.
Sa interview sang Bombo Radyo kay Manuel Lamata, nakilala sini nga isa ka maayo nga tawo si Alba nga kun ibutang sa trabaho wala sang masaway diri.
Si Alba ang tumandok sang Bacolod City, Negros Occidental kun sa diin ini ginbun-ag kag nagdako.
Apang sa karun nagbatyag ini sang problema sa ikaayong-lawas bangud sang yara ini sa siyudad sang Bacolod, on-time ini kun magpadoctor.
Nagapati si Lamata nga bangod sa pagtutok ni Alba sa trabaho sini sa SRA, iya na napabay-an ang iya nga ikaayong-lawas.
Samtang, kasunod sa direktiba ni President Ferdinand “Bongbong” Marcos Jr, epektibo sa Abril 15 ang resignation ni Alba agud makapreparar sang appoinment para sa magabulos sa iya nga pwesto.
