Makigbahin man ang Negros Occidental Police Provincial Office (NOCPPO) sa pag-obserbar sang Earth Hour.
Suno kay NOCPPO spokesperson Police Captain Judesses Catalogo, ang tanan nga police station sa probinsya ang magapatay man sang ila suga sa sulod sang isa ka oras humalin alas 8:30 tubtob alas 9:30 sang gab-i.
Suno kay Catalogo, ang exempted lamang diri amu ang mga estasyon nga nahamtang sa mga high risk areas ukon may mga presensya sang New People’s Army.
Nagpatigayon man sila sang information dissemination nga mangin vigilante bangud oportunidad ini sa mga may malain nga tinutuyo.
Nagpanugyan ini sa mga pumuluyo nga halungan ang kalibutan nga gina-istaran nga magconserve sang energy.
Magapakigbahin man ang Bacolod City Police Office sa Earth Hour kag magapatay man sang mga non-essential lights ang mga police station sa Bacolod.// Sa interview sang Bombo Radyo kay BCPO Spokesperson Police Lt. Col. Sherlock Gabana, sila ang makigbahin man sa Earth Hour apang kun may magpablotter ukon magpangayo sang ila serbisyo sa sulod sang isa ka oras nga lights off, kinahanglan nila ini nga respondehan.
Nagpanugyan man si Gabana sa mga mobile patrol cars nga i-on ang ila blinker agud makita ang police visibility.
Magluwas diri, ang BCPO ang may patigayunon man nga coastal clean-up, mangroove planting kag clean-up drive in coordination kag in partnership sa mga barangay agud makaconserve sang energy kag tubig.
