Masobra 200 ka mga personnel ang igadeploy sang Bacolod City Police Office sa ciudad sa tion sang Semana Santa.
Sa interview sang Bombo Radyo kay BCPO Spokesperson Police Lt. Col. Sherlock Gabana, preparado na ang BCPO sa nagahilapit nga Holy Week bangud regular na nila ini nga ginahimo.
Suno kay Gabana, nakaplastar na ang mga personnel nga ila igadeploy sa mga simbahan kag terminals.
Suno diri, na-identify naman nila ang mga resorts nga pagadeployan agud masiguro nga safe ang mga pumuluyo nga gusto magrelax kag magpamalandong.
Nagpanugyan man ini sa mga pumuluyo nga mangin vigilante kun magpadulong sa mga resorts ukon malls sa tion sang Semana Santa.
Suno sa iya, likawan ang pagsuksok sang mga alahas bangud ini ang makaganyat sa mga kawatan.
Siguruhon man nga nakalock ang mga pwertahan kun magbiya sa ila puluy-an kag likawan ang pagpost sa social media sang “at the moment” agud indi mahibaluan nga wala sang tawo ang ila balay.
