Ginkalipay sang mga hog raiser sang probinsya sang Negros nga nangin maayo ang lakat sang ila negosyo sa National Capital Region.
Bangod nga wala pa sang reply gikan sa Cebu Province nga pagkonsiderar sa ginpagwa sini nga executive order nga nagaban sang pag-agi sang baboy ukon pork products sa probinsya sang Cebu gikan sa Negros, nangita na lamang sang bag-o nga ruta ang mga hog raisers.
Sa interview sang Bombo Radyo kay Provincial Administrator Atty. Rayfrando Diaz, ginkalipay sang mga hograisers ang maayo nga lakat sang ila negosyo sa nakita sini nga bag-o nga market sa NCR apisar sa banning sang Cebu.
Para sa iya, indi na ini magduso nga makakuha sang sabat gikan kay Cebu Governor Gwendolyn Garcia.
Apang, ginkasubo man gihapon ni Diaz nga indi na makaserbe sa Cebu ang mga hograisers, gani kinhanglan sang mga ini mangita sang bag-o nga merkado nga ila negosyohan.
Pahayag ni Diaz, sa tion nga makit-an nga may yara sang kabudlayan ang hograisers sa isa ka area nga ila serbehan, mangita gid lamang ini sang bag-o nga costumer.
