Duha ka semana nga magapatigayon sang pagtuon sa mga watershed area sa Negros Occidental ang mga water expert nagikan sa UP Los Baños.
Suno kay Negros Occidental Provincial Administrator Atty. Rayfrando Diaz, nag-abot diri sa probinsya ang mga water expert sang tinalikdan nga semana kag may pagtuon pa nga nabilin subong nga semana.
Sila ang magapatigayon sang pagtuon sa mga kalasangan sa central Negros kag may detailed evaluation sa watershed area nga ginalakipan sang San Carlos, Murcia, Salvador Benedicto kag Pulupandan.
Ang mga facts nga ila makuha ang igahatag sa provincial government agud magamit sa future sa pagpreserve sang fresh water supply.
Nagapasalamat naman si Diaz nga ari diri ang mga experts agud nga scientific nga matumod ang vulnerability sang probinsya sa baha, landslide, sunog kag tig-ilinit.
