Ginkwestyon ni Pamplona Municipal Mayor Janice Degamo kun mapatihan ayhan nga planted ang P17 million cash nga narekober matapos ginserbehan sang search warrant si former Negros Oriental Governor Pryde Henry Teves nga utod ni Negros Oriental 3rd District Representative Arnolfo “Arnie” Teves.
Sa interview sang Bombo Radyo kay Mayor Janice Degamo, ang nakumpiskar nga mag high powered firearms sa compound ni former Governor Pryde Teves, nagapakita nga siya ang may obligasyon nga atubangon bangod nga wala man ini sang kahilabtanan sa Degamo case.
Samtang, ginpakigbahin man sini ang iya Theory nga posible nga ang van nga ginbutangan sang vault nga naga-unod sang kwarta amo ang getaway vehicle sang mga suspetsado agud nga kun matapos ang ila trabaho, makapauli ang mga ini bitbit ang reward money sa assassination.
