Nangin madinalag-on ang First Silay COPS Fun Bike nga ginpatigayon sang Silay PNP sa suporta sang Silay Local Government Units kasunod sa selebrasyon sang Women’s Month.
Sa interview sang Bombo Radyo kay Police Lieutenant Colonel Mark Anthony Darroca hepe sang Silay Police Station, wala ini nag-ekspektar nga magdangat sa kapin 250 ka mga bikers ang mapartisipar sa 15 kilometers route sang Fun Bike activity.
Suno diri, ginpatigayon ang ini nga aktibidades kasunod sa selebrasyon sang Women’s Month para sa adbokasiya nga violence against women and children.
Nagsukosk sang purple t-shirt ang mga participants agud nga mapakita ang ila nga suporta.
Tuman ang kalipay ni Darroca nga madamo sang nakigbahin kasubong man nga nagalaum ini nga sa Police Community Relations (PCR) Month, sila liwat makapatigayon sang amo nga activity.
Mensahe sini sa mga kapulisan sang Silay City nga magtrabaho nga maproteksyonan ang katawhan kag ipabilin ang katawhayan sa siyudad.
