Ginpahayag ni Special Task Force-Negros chairman Interior Secretary Benhur Abalos Jr. nga malapit nalang matumod sang mga otoridad ang mastermind sa pagpatay kay Negros Oriental Governor Roel Degamo kag walo ka iban pa sang Marso 4.
Sa press conference, ginpahayag ni Abalos nga may yara sila sang mabakod nga ebidensya nga makatumod sang mastermind sa likod sang assassination ni Degamo kag pagkaladahig sang walo ka iban pa.
Suno kay Abalos, mahimo nga hambalon sang mastermind nga ang tanan ang inosente tubtob nga ini ang mapamatud-an nga guilty apang sa karun ginapasiguro na sini nga kun sin-o man ang mastermind sang pagpatay, mabakod ang ila nga ebidensya batok diri.
Suno diri, ang kalabanan sang mga ginatudlo nga mga suspetsado sa pagpatay kay Negros Oriental Governor Roel Degamo kag walo ka iban pa ang yara na sa mga kamot sang mga otoridad.
Suno kay Abalos, ang mga testimoniya sang mga suspek ang important e sa kaso.
Ginpahayag man ni Abalos nga may yara na sa karun mga “forensics” ang mga otoridad nga nagatudlo sa mga armas, bala, explosives kag iban pa nga ebidensya nga natipon sang mga otoridad.
Suno pa diri, wala ini sang madumduman nga tawo nga magatipon sang madamo nga high-powered firearms apang ginpahayag man sini nga ang ebidensya ang “crystal clear”.
Agud nga mapamatud-an nga indi planted ang ebidensya, ginpakita ni Abalos ang mga videos kag mga litrato sang isa ka backhoe nga nagakutkot sa compound ni anay Negros Oriental Governor Pryde Henry Teves kun sa diin natukiban ang mga ebidensya.
Ginpahayag man sini nga ang mga high-powered firearms ang ginlubong para sa future use.
Ginpakita na sa publiko ang pila ka mga armas nga narecover sa compound ni anay Negros Oriental Gov. Henry Pryde Teves sa Sicopong Caranoche, Santa Catalina, Negros Oriental.
Wala labot sa mga armas, nakuha man sa compound ang pila ka IED, mga bala kag cash nga nagabalor sang kapin P18 million.
